FCI-Introduction

مساء الفل ع الوافدين الجدد علي كليتنا المحروسه المصونه حماها الله

خلينا نوضح شويه حاجات عن كليتنا حاسبات ومعلومات في 10 نقط تركز فيهم دول مستقبلك :

1- اسم الكليه حاسبات ومعلومات يعني Computers-and-Information

اسمع حد يقول حسابات هعوره في مشاعره بس باحترام عشان احنا محترمين

2-انت مش اقل من هندسه عشان كليتنا تنسيقها تحت هندسه

زي اللي بيقارن بين طب وصيدله مع ان في مقارنتها مش بتتبص للتنسيق

.. حاسبات وهندسه مختلفين واحنا احسن بكتير كمهندسين برمجه ودي اصل كليتنا

3- ربنا ادالك فرصه حياتك انك تتعلم وتشتغل في نفس الوقت وكله وانت بتدرس واقدر اعملك لسته فيها مالا يقل عن 100 واحد

بيشتغلو وهما بيدرسوا

4- مشكله ان انت لسه عارف الكليه يوم تنسيقك دي مشكلتنا ك مجتمع وحكومه وتقصير مننا ك طلبه حاسبات ومعلومات 

ف دي حقك علينا فيها انت كنت تستاهل تعرف اللي يحفزك ليها 

بدل ما كنت تحس ان انت ملحقتش هندسه ولبست حاسبات

5- كليه حاسبات انت فيها اللي بتقرر مستقبلك شكله عامل ازاي

بناءا علي اختيارك للقسم او المجال بصفه عامه علي حسب ما تلاقي نفسك .. ف انت من دلوقتي مسئول عن مستقبلك ف ركز .. ربنا يخليك

6- ميكروسوفت و جوجل و سيسكو و اوراكل و آبل وكل شركات اللي في مجالنا بيشتغل فيها ناس مبدعين مهما كان تقديرك او تحصيلك الدراسي .. اهم حاجه شغلك و كودك ف ابدع في حياتك و علي طموحك

7- هتلاقي في الكليه مواد ملهاش لزمه اول ما تدخل بعد سنتين هتعرف اد ايه انها كانت مهمه فذاكر كويس لنفسك وعشان نفسك

8- الطلبه في الكليه 3 انواع :

i) طالب بيجب تقدير "مشروع معيد"

ii) طالب فاشل بس بيشتغل ومركز لمستقبله

iii) طالب تقديره متوسط ومبيشتغلش "تقليدي"

.. فـ انت هتكون واحد منهم .. ف ركز عشان خاطري ده مستقبلك

9 & 10 - انت في غااااااااااابه 

..

لو عندك نصيحه تانيه ..في كومنت !

..