‏المبرمج_السيكي_ميكي‬

‫هذا المقال بيد : Amar Omar Ashour

#‏المبرمج_السيكي_ميكي‬ بتاع الفريم ورك

ال frame works و ال code reusing من الحاجات 

اللي سببت طفرة كبيرة في البرمجة وسهلت لكتير 

على المبرمجين في انهم ينجزوا مشاريع عملاقة

على صعيد اخر عندنا هنا في مصر حصل العكس 

مؤخرا

على سبيل المثال : في Mobileaders كنا طالبين

 android developer وكان الشروط ان يكون له خبرة 

ويكون له شغل منشور على الماركت

وفعلا عملنا اكتر من 20 انترفيو ل 20 اندرويد ديفيلوبر 

كلهم لهم شغل على الماركت وكانت النتيجة ان 

كلهم شغالين اندرويد كويس ومفيش ولا واحد منهم 

عارف اساسيات برمجة ولا OOP كويس

والنتيجة ان المبرمجين دول يقدروا يعملوا مشاريع 

صغيرة لكن مفيش ولا واحد منهم يقدر يش تغل في مشروع كبير دا غير ان الكود بتاعهم شبيه بكود 

ال C او اي procedural programming ... دا لو مكانش كود اسباجتي

ال 20 ديفيلوبر دول وغيرهم كتيييييير معظمهم لما فشلوا في انهم يلاقوا فرصة عمل في شركة 

محترمة اشتغلوا free lancers وبالتالي كتيييير جدا من العملاء بيشتكوا من ان اللي عمل شغل 

منهم مع فريلانسر مش عارف يطور عليه ولا عارف يحل المشاكل اللي بتطلع له كل يوم ولا هيعرف 

يحلها الا بعد ما يعمل الشغل دا من الاول

من الاخر كدا لو عاوز تتعلم اندرويد ابدأ بالاساسيات الاول وذاكر جافا كويس علشان 

متبقاش‫#‏سيكي_ميكي‬
والكلام ينطبق على اي تكنولوجي تانية
بالمناسبة هسيب في اول كومنت كام كورس ممكن يساعدوك انك متكونش سيكي ميكي وتبقا مبرمج برنس في نفسك