Press to Order with Amazon‬

كل يوم التكنولجيا بتتطور وبتبهرنا .. دلوقتى تقدر تثبت عندك فى البيت زر خاص بمنتج معين وبمجرد الضغط عليه هيجيلك الكميه اللى محتاجها من المنتج دا

مش كذبه ابريل ولا خيال علمى .. من النهارده هتقدر تستخدم الازرار الذكيه دى و اللى بتوفرها أمازون بـ 5 دولار وتقدر تثبتها فى اى مكان فى بيتك .. مع بدايه فكره الشراء الاونلاين بتقدر تشترى بضغطه ماوس دلوقتى مع الازرار المفعله بخدمه الواى فاى تقدر تطلب المنتجات المنزليه اللى محتاجه برده بضغطه للزرار دا وتقدر تلغيه عن طريق الهاتف

طب الخدمه دى بتشتغل ازاى ؟
عن طريق موبايل ابلكيشن خاص بأمازون تقدر تعمله Setup على موبايلك وتحدد من خلاله المنتجات اللى هتطلبها من خلال الزرار دا
كمان ممكن تثبت الزرار دا كجهاز مستقل فى اى مكان فى بيتك او على جهاز التلاجه او الغساله حسب انت بتحتاج المنتج دا فين وكمان بييجى معاه ماده لاصقه قابله لاعاده الاستخدام

من المنتجات اللى ممكن تبقى مفيده جدا و فعليا تطبق الفكره دى المنظفات و ورق التواليت و العصائر و بعض المنتجات الغذائيه ومنتجات العنايه بالشعر وغيرها كتير من المنتجات

تفتكر لو الفكره دى اتطبقت واتعممت هتبقى مفيده؟! زى الشراء اونلاين من موقع أمازون.
وهل ممكن نشفها مطبقة في مواقع التسوق العربية قريبا؟

المصدر : http://goo.gl/WI3qMq

‪#‎Press_to_Order_with_Amazon‬