بالفيديو: حكومة السويد تحتفل بنجاح مشروع "علب الهوا السويدي" و اللي حقق نجاح عظيم أكتر من المتوقع و مئات الألاف من السياح و السويديين نفسهم بيتنافسوا كل يوم في طوابير عشان يشتروه لأنه بتباع طازة كل يوم في الأكشاك و المكاتب الخاصة بهيئة تنشيط السياحة بتاعة الحكومة السويدية!!
طبعاً كلكم حتسألوا دي علب هوا يعني علب فاضية !! أيوة دي علب "هوا سويدي طبيعي" متعبية من الجو العادي بتاع السويد و الغريب في الموضوع إن حكومة السويد بتبيع العلبة ب ٥٠ كرونة سويدي (٤٨ جنيه مصري) و كل السياح بتعشق تشتريها و بقت أشهر هدية السايح بيجبها لأهله و قرايبه و صحابه، و كل اللي بيعملوه إنهم بيفتحوا العلبة و ياخدوا نفس عميق بسرعة فيشموا و يتنفسوا هوا السويد smile emoticon
الأجمل من ده كله إن السويديين نفسهم بيشتروا العلب دي لما يكونوا مسافرين أي بلد تانية بيجيلهم إكتئاب و بيتوحشوا علي هوا بلدهم و علي طول بيروحوا فاتحينلهم علبتين تلاتة هوا سويدي و يشمولهم نفسين فترجعلهم السعادة و الإنشكاح !!
المهم الحكومة لما لقت الموضوع فرقع كدة، غلت العلبة خلتها ب٦٩ كرونة سويدي (٦٦ جنيه مصري) و بكميات محدودة كل يوم و سمت المشروع "السويد في علبة" ...
إديني عقلك !!
إيه رأيكم ننفذ المشروع ده في مصر و نعمل علب "هوا مصري" للسياح و المصريين ؟ رأيكم الفكرة حتنجح و تكسر
الدنيا زي في السويد
No comments:
Post a Comment